വിവരണം

ഉമ്മർ വീടിന്റെ പുറത്ത് തന്റെ കാർ നിർത്തിയ ശേഷം... " മോള് വാ... "കാറിൽ ഇരുന്ന സുഹൈറയോട് പറഞ്ഞു... അവളും ചെറിയ പേടിയോടെ വണ്ടിയിൽ നിന്നും അവളുടെ ബാഗും കൈയിൽ എടുത്തു ഇറങ്ങി...ഇരുവരും ഒരുമിച്ചു വീടിന്റെ ഉമ്മറത്തേക്ക് നടന്നു.. ഉമ്മർ വാതിൽ തുറന്നു..അന്നേരം അടുക്കളയിൽ ആയിരുന്നു ആയിഷയും ശ്രീക്കുട്ടിയും.. "ആയിഷാ... ഇജ്ജ് എവിടെ... ഇങ്ട് വാ... അനക്ക് ഞമ്മള് ഒരാളെ പരിചയപെടുത്താം..." ഉമ്മറിന്റെ വിളി കേട്ടതും ചീനച്ചട്ടിയിൽ തക്കാളി വഴറ്റുകയായിരുന്ന ആയിഷ ഗ്യാസ് സിമിൽ വെച്ച ശേഷം ഹാളിലേക്ക് നടന്നു.. അപ്പോഴേക്കും ഉമ്മർ ഹാളിലെ ഫാൻ സ്വിച്ച് ഓൺ ചെയ്തു സോഫയിൽ ഇരുന്നു... സുഹൈറ അടുത്തു നിൽക്കുകയും ചെയ്തു.. "അല്ല ഇതാര് സുഹൈറയോ... എന്തൊക്കെയുണ്ട് മോളെ അന്റെ വിശേഷം..." ആയിഷ ചോദിച്ചു "സുഖം.." സുഹൈറ പറഞ്ഞു "അനക്ക് അറിയോ ആയിഷ ഇനി ഇവള് മ്മടെ വീട്ടിലാ താമസം..." "ആഹാ... അത് കൊള്ളാമല്ലോ... അല്ല എന്താ ഇപ്പോ പെട്ടന്ന് ഇങ്ങനെ ഒരു തീരുമാനം.."